ផ្លូវគមនាគមន៍

• ផ្លូវដែក

ផ្លូវដែកប្រទេសកម្ពុជាមានពីរខ្សែគឺ៖

ខ្សែទីមួយពីភ្នំពេញទៅប៉ោយប៉ែត មានប្រវែង ៣៨៦ គ.ម កសាងឆ្នាំ ១៩២៧។

ខ្សែទីពីរ ពីភ្នំពេញទៅក្រុងព្រះសីហនុ មានប្រវែង ២៦៤ គ.ម កសាងឆ្នាំ ១៩៥៨។ ដែលមានប្រវែងសរុប៦៥០ គ.ម និងទទឹង ១ម៉ែត្រ និង មានស្ពានគ្របប្រភេទ ៩៩០។

• ផ្លូវអាកាស

ប្រទេសយើងមានអាកាសយានដ្ឋាន អន្តរជាតិពីរ គឺអាកាសយានដ្ឋានភ្នំពេញ អាចទទួលយន្តហោះគ្រប់ប្រភេទ ឲ្យចុះចតបាន និង អាកាសយានដ្ឋានសៀមរាប ដែលមានសកម្មភាពខ្លាំងក្លា ក្នុងការដឹកជញ្ជូនភ្ញៀវទេសចរជាតិ និង អន្តរជាតិមកទស្សនា ប្រាសាទអង្គរ និង ប្រាសាទផ្សេងៗទៀតក្នុងខេត្តសៀមរាប។ អាកាសយាន្តដ្ឋានត្រូវបានរៀបចំ និង កែលំអរដោយ ក្រុមហ៊ុនវិនិយោគបរទេស មកពីប្រទេសបារាំង។ ក្រៅពីនេះ ប្រទេសយើង មានអាកាសយាន្តដ្ឋាន ក្នុងស្រុកជាច្រើនកន្លែងទៀតគឺ នៅក្នុងក្រុងព្រះសីហនុ ខេត្តកោះកុង ខេត្តបាត់ដំបង ខេត្តក្រចេះ ខេត្តព្រះវិហារ ខេត្តស្ទឹងត្រែង ខេត្តមណ្ឌលគិរី និង រតនគិរី។